काठमाडौं । साताको पहिलो दिन आज आइतबार सुनचाँदीको मूल्य बढेको छ। नेपाल सुनचाँदी व्यवसायी महासंघका अनुसार आज सुन तोलामा एक हजार सात सय ले बढेर तोलाको एक लाख ६७ हजार २ सय रुपैयाँमा कारोबार भइरहेको छ। यसअघि शुक्रबार सुन तोलाको एक लाख ६५ हजार ५ सय रुपैयाँमा कारोबार भएको थियो। त्यस्तै आज चाँदी प्रति तोला १९६० रुपैयाँमा कारोबार भइरहेको महासंघले जनाएको छ। महासंघका अनुसार शुक्रबार चाँदी तोलाको १९५० रुपैयाँमा कारोबार भएको थियो ।