काठमाडौं ।  नेपालले दोस्रो खेलमा अष्ट्रेलियालाई पराजित गरेको छ । हङकङमा जारी हङकङ इन्टरनेसनल सिक्सेसमा शनिबार नेपालले अष्ट्रेलियालाई ११ रनले पराजित गरेको हो । टस हारेर पहिले ब्याटिङ गरेको नेपालले दिएको ११२ रनको लक्ष्य अष्ट्रेलियाले भेट्याउन सकेन । अष्ट्रेलियाले ५ विकेट गुमाएर १०० रन मात्रै बनायो । नेपाललले २ विकेट गुमाएर १११ रन बनाएको थियो ।

नेपालका लिग कप्तान सन्दीप जोराले अर्धशतक बनाए । जोराले ५१ रनको योगदान गरे । जोराले शुक्रबार इङ्‌ल्याण्डविरूद्ध पनि अर्धशतक बनाएका थिए । त्यस्तै लोकेश बमले ३३ रन जोडे । विवेक यादव र राशिद खानले १२/१२ रन बनाए । नेपाल समूह विजेता हुँदै क्वाटरफाइनल पुगेको छ ।