काठमाडौं । राष्ट्रिय स्वतन्त्र पार्टीले सभापति रवि लामिछाने पक्राउ परेको विराधेमा आज काठमाडौंको बालुवाटारमा प्रदर्शन गरेका छन् । प्रधानमन्त्रीको सरकारी निवास बालुवाटार नजिकै प्रदर्शन गरिरहेको रास्वपाका कार्यकर्ताले प्रधानमन्त्री केपी शर्मा ओलीविरुद्ध चर्को नाराबाजी गरेका थिए ।

बालुवाटारमा प्रदर्शन गर्दा निषेधित क्षेत्र तोड्न खाजेपछि प्रहरीले ३३ जनालाई पक्राउ गरेको छ । प्रदर्शनका क्रममा वीरेन्द्र श्रेष्ठ, सांसद अशोक चौधरी, प्रदीप विष्ट, सुरेश पोखरेल, ध्रुव ढकाल, नवराज भण्डारी, प्रकाश लामिछाने, रक्षा रायमाझी, साहिल प्रिया, सवी खड्का, बुद्धरत्न महर्जन पक्राउ परेका हुन्। यस्तै दयाराम नेपाल, सुरेन्द्रराज अवाले, शैलेन्द्र खत्री, उमेश लामा, खुसिराम कैनी नवराज मुडबरीलाई पक्राउ गरिएको रास्वपाले जानकारी दिएको छ।उनीहरुलाई विभिन्न प्रहरी वृत्तमा राखिएको प्रहरीले जनाएको छ।