बालेनसँग माफी माग्दै फेसबुकले पोस्ट रिकभर गर्यो
काठमाडौं । काठमाडौं महानगरपालिकाका मेयर बालेन साहको फेसबुक पोस्ट रिकभर भएको छ । फेसबुकले हटाएको पोस्ट शुक्रबार पुनः रिकभर गरिदिएको हो । फेसबुकले बालेनसँग माफी माग्दै स्टाट्स रिकभर गरेको बताइएको छ । बालेनले पनि आफ्नो रिकभर भएको स्टाटसमा कमेन्ट गरेर यसको पुष्टि गरेका छन् ।
बालेनले नेकपा एमालेकी प्रदेश सांसद रेखा शर्मामाथि बाल श्रम दुरुपयोगको आरोप लगाउँदै भदौ १६ गते एक स्टाटस लेखेका थिए । त्यसमा उनले शर्मालाई पक्राउ गरेर अनुसन्धान गर्न माग गरेका छन् । साथै उनले एमाले अध्यक्षसमेत रहेका प्रधानमन्त्री केपी शर्मा ओलीविरुद्ध व्यङग्य पनि गरेका थिए ।
प्रतिक्रिया