काठमाडौं । अरब लिग (एएल) का महासचिव अहमद अबोल–घितले अरबका क्षेत्रमा खतरनाक इजरायली आक्रमण हुन सक्नेमा चिन्ता व्यक्त गरेका छन् । उनले अन्तर्राष्ट्रिय कानुनको उल्लङ्घन भइरहेको भन्दै यस्ता कार्यहरू नगर्न चेतावनी पनि दिए । एएल प्रमुखले हत्या गर्नुले अन्तर्राष्ट्रिय मान्यताहरूका लागि ठुलो बेवास्ता र देशहरूबिचको सम्बन्धलाई नियमन गर्ने नियमहरूको अपमान प्रकट गरेको बताए ।

उनले इजरायलले आफ्नो कार्यको परिणामस्वरूप यस क्षेत्रलाई असर गर्नसक्ने भयावह नतिजाको पूर्वानुमान नगरी लापरवाही नीति अपनाइरहेको बताए । अबोल–घितले व्यापक क्षेत्रीय विस्फोट रोक्नका लागि अन्तर्राष्ट्रिय समुदायले इजरायलमाथि दबाब दिन आवश्यक रहेको उल्लेख गरे । इरानको इस्लामिक रिभोलुसन गार्ड्स कोरले हमास पोलिटब्युरो प्रमुख इस्माइल हानियाको इरानको राजधानी तेहरानमा हत्या भएको पुष्टि गरेको छ । हमास आन्दोलनले आफ्नो नेताको मृत्यु भएको पुष्टि गर्दै हनियाको हत्या इजरायली आक्रमणबाट भएको दाबी गरेको छ । तर इजरायल सरकारले भने यस घटनाबारे कुनै टिप्पणी गरेको छैन ।