काठमाडौं । नेपाली कांग्रेसकी सांसद डा. आरजु राणा देउवाले  भ्रामक र आपत्तिजनक सामग्री प्रसारण गरेको भन्दै विभिन्न ९ वटा टेलिभिजनविरुद्ध उजुरी दिएकी छन् । उनले प्रेस काउन्सिलमा नक्कली भुटानी शरणार्थी प्रकरणमा असार १५ मा पक्राउ परेका बेचन झासँग जोडेर भ्रामक सामग्री प्रसारण गरेको भन्दै उजुरी दिएकी हुन् ।

डा.  राणा देउवाले भ्रामक समाचार हटाएर चरित्र हत्या गर्ने मनसायले झुटो सामग्री प्रकाशित–प्रसारण गरेका सञ्चारमाध्यमहरूलाई कारबाही गर्न माग गरेकी छन् । कञ्चनपुरबाट पक्राउ परेका झामाथि बिचौलियालाई तत्कालीन गृहमन्त्री, सचिवलगायतसँग भेट गराइदिन मध्यस्थकर्ताको भूमिका खेलेको आरोप लागेको छ ।