काठमाडौ । ओमानमाथि शानदार जित हासिल गर्दै साबिक विजेता इङ्ल्याण्डले सुपर ८ मा पुग्ने सम्भावना कायम राखेको छ । शुक्रबार बिहान भएको खेलमा इंग्ल्याण्डले ओमानलाई ८ विकेटले पराजित  गरयो । ४८ रनको झिनो लक्ष्य इङ्ल्याण्डले ३ दशमलव १ ओभरमा मात्र २ विकेट गुमाएर पूरा गर्‍यो । कप्तान जोस बट्लरले नटआउट रहेर ८ बलमा २४ रन बनाए । उनले यस क्रममा ४ चौका र एक छक्का प्रहार गरे । यसअघि पहिले ब्याटिङ गरेको ओमानले १३ दशमलव २ ओभरमा अलआउट हुँदै मात्र ४७ रन बनाउन सक्यो । सोएब खानले २३ बलमा ११ रन जोड्नुबाहेक अन्य ब्याटरले दोहोरो अंक बनाउन सकेनन् । समूह सीमा इङ्ल्याण्डको यो पहिलो जित हो । जितसँगै इङ्ल्याण्ड ३ अंकसहित तेस्रो स्थानमा छ । ओमानको भने यो चौथो खेल हो । ओमान अंक बिहिन बन्दै प्रतियोगिताबाट बाहिरिएको छ ।