काठमाडौं । पाकिस्तानको सरकार र विपक्षी दल पीटीआईबीच महत्वपूर्ण सहमति भएको छ । जसअन्तर्गत देशभर एकै दिन निर्वाचन गराउने सहमति भएको छ । तर, निर्वाचनको मिति भने टुंगो लागेको छैन । मंगलबार रातिसम्म सत्तारुढ दल र प्रतिपक्षी दलका नेताहरुबीचको बैठकले यस्तो निर्णय गरेको हो ।

लामो समयदेखि निर्वाचन गराउने मागलाई लिएर पाकिस्तानमा गतिरोधको अवस्था छ । यस्तो अवस्थामा एक दिन चुनाव गराउन सहमत हुनु पाकिस्तानको राजनीतिको लागि ठूलो कदम हो।

इमरान खानको नेतृत्वमा रहेको पाकिस्तान तेहरिक–ए–इन्साफ पार्टीले लामो समयदेखि पञ्जाब र खैबर पख्तुनख्वा प्रान्तमा चुनावको माग गर्दै आएको छ । र सरकारले कुनै न कुनै बहानामा यसलाई टार्न खोजेको छ । अब दुवै दलको बैठकले सबै प्रदेश र केन्द्रको निर्वाचन एकै दिन गर्ने निर्णय गरेको छ । निर्वाचनको निष्पक्षता कायम राख्नका लागि कार्यवाहक संयन्त्रको पर्यवेक्षणमा निर्वाचन गराउने दुवै दलको बैठकमा सहमति भएको छ ।

पीटीआईको तर्फबाट सिन्ध र बलुचिस्तान विधानसभाहरू विघटन गर्ने मिति तय हुन बाँकी रहेको बताइएको छ। पीटीआईले यी विधानसभाहरू मे १४ मा वा अघि भंग गर्न माग गर्दछ। तर, पाकिस्तान सरकार यसका लागि तयार छैन । पञ्जाब र खैबर पख्तुनख्वामा पीटीआईको सरकार थियो, त्यसैले जब इमरान खानको सरकार गयो, यी दुई प्रान्तका विधानसभाहरू पीटीआई सरकारले भंग गरिदिए। तर, अहिलेसम्म यी दुई प्रदेशमा निर्वाचन हुन सकेको छैन । (एजेन्सी)