काठमाडौं ।  दक्षिण अफ्रिकासँगको तेस्रो तथा अन्तिम टी–२० क्रिकेट प्रतियोगिता पनि जितेर वेस्ट इन्डिजले  क्लिन स्वीप गरेको छ । गएराति भएको खेलमा दक्षिण अफ्रिकालाई ८ विकेटले हराउदै वेस्ट इन्डिजले श्रृङखला क्लिन स्वीप गरेको हो । तीन खेलको श्रृङ्खला वेस्ट इन्डिजले यसअघि नै जितिसकेको थियो । गएरातिको खेलमा दक्षिण अफ्रिकाले दिएको १ सय ६४ रनको लक्ष्य पछ्याएको वेस्ट इन्डिजले १३ ओभर ५ बलमा मात्र २ विकेट गुमाएर भेट्टायो । वेस्ट इन्डिजका जोनसन चार्ल्सले सर्वाधिक ६७ रन बनाए । यसअघि पहिले व्याटिङ गरेको दक्षिण अफ्रिकाले निर्धारित २० ओभरमा ७ विकेट गुमाएर १ सय ६३ रन बनाएको थियो ।