काठमाडौं । प्रधानमन्त्री पुष्पकमल दाहाल प्रचण्डले नेपाली कांग्रेसका तर्फबाट तीनजनालाई मन्त्रिपरिषदमा सामेल गरेका छन् ।

सत्ता गठबन्धनको कोटाअनुसार कांग्रेसको भागमा परेको कानुन, न्याय तथा संसदीय मामिला मन्त्रीमा उपसभापति धनराज गुरुङ, स्वास्थ्य तथा जनसंख्या मन्त्रीमा मोहनबहादुर बस्नेत र युवा तथा खेलकुद मन्त्रीमा डिगबहादुर लिम्बु रहेका छन् ।

कांग्रेसको भागमा परेका मन्त्रीहरूलाई पूर्णता दिन प्रधानमन्त्री प्रचण्ड केही दिन अगाडिसम्म तयार नभएको र उनले राष्ट्रिय स्वतन्त्र पार्टीलाई सरकारमा सामेल गर्न छलफल चलाइरहेकोमा गठबन्धनभित्र असन्तोष थियो । आज विस्तार भएको मन्त्री परिषदको रूपरेखा हेर्दा रास्वपा सरकारमा सामेल हुने बाटो प्रायः बन्द भएको विश्लेषण गरिएको छ ।