काठमाडौं । राष्ट्रपति रामचन्द्र पौडेलसँग प्रधानमन्त्री पुष्पकमल दाहालले आज शुक्रबार बिहान राष्ट्रपति भवन शीतल निवासमा भेट गरेका छन् । भेटमा राष्ट्रपति पौडेलले संसदमा जारी गतिरोधबारे चासो र चिन्ता राखेको राष्ट्रपतिको सचिवालयले जनाएको छ। भेटका क्रममा प्रधानमन्त्री दाहालले आफू समस्या समाधानको पक्षमा रहेको बताउँदै संसदमा जारी गतिरोध अन्त्यका लागि पहल गरिरहेको बताएको पनि राष्ट्रपतिको सचिवालयको भनाइ छ ।