इजरायल–इरान मिसाइल हानाहान समाचारमा नाटकीय मोड
काठमाडौं । इजरायल–इरान मिसाइल हानाहानको समाचारमा नाटकीय मोड आएको छ । शुक्रबार बिहान विश्व समुदाय इजरायलले इरानमाथि क्षेप्यास्त्र प्रहार गरेको समाचार पुष्टि गर्न लापिरेको थियो । तर शुक्रबारको मध्याह्नसम्ममा इरानले इजरायले कुनै मिसाइल नहानेको दावी गरेको छ । इरानका एक वरिष्ठ अधिकारी (नाम नबताउने शर्तमा एक विदेशी समाचार संस्थालाई) ले शुक्रबार मिर्मिरे बिहान इरानको आकाशमा ड्रोनजस्तो वस्तु देखिएकाले इरानले आफ्नो रक्षाका लागि हवाई सुरक्षा प्रणाली चालू गर्नुबाहेक कुनै शत्रुको कुनै हमला नभएको स्पष्ट गरे ।
वास्तवमा, एक वरिष्ठ इरानी अधिकारीले भने, “मिडिया एजेन्सीलाई भने कि इरानको इजरायलविरुद्ध तुरुन्तै बदला लिने कुनै योजना छैन । हामीलाई कुनै बाह्य आक्रमण प्राप्त भएको छैन र हामीलाई आक्रमण भन्दा घुसपैठतिर शंका छ । ”
इरानले आक्रमणको खण्डन गर्दै ड्रोन खसालेको बताएको छ । यद्यपि, इरानले धेरै सहरमा आफ्नो वायु रक्षा प्रणाली सक्रिय गरेपछि धेरै ड्रोन खसालेको दाबी गरेको छ ।
