कांग्रेसका सांसद टेकबहादुर गुरुङको निलम्बन फुकुवा
काठमाडौं । सर्वोच्च अदालतले नेपाली कांग्रेसका सांसद टेकबहादुर गुरुङको निलम्बन फुकुवा गर्ने आदेश दिएको छ। सर्वोच्चका न्यायाधीशद्वय मनोजकुमार शर्मा र विनोद शर्माको इजलासले शुक्रबार गुरुङको निलम्बन फुकुवा गर्ने आदेश जारी गरेको वरिष्ठ अधिवक्ता यदुनाथ खनालले जानकारी दिएका छन् ।
मनाङबाट प्रतिनिधिसभा सदस्यमा निर्वाचित गुरुङलाई अख्तियार दुरुपयोग अनुसन्धान आयोगले २०७५ माघ २१ गते विशेष अदालतमा मुद्दा दायर गरेपछि कानुनी व्यवस्थाअनुसार उनी स्वतः निलम्बनमा परेको संसद सचिवालयलले जनाएको थियो ।
प्रतिक्रिया