काठमाडौं । माल्दिभ्सको पूर्व सरकारले नियुक्त गरेका माल्दिभ्सका महाअभियोजक (Prosecutor General) जनरल हुसेन शमीममाथि बुधबार मालेमा आक्रमण भएको छ । उनलाई सडकमै सार्वजनिक रुपमा छुरा प्रहार गरिएको बताइएको छ । रिपोर्टका अनुसार आक्रमणकारीहरूले उनीहरूमाथि आक्रमण गरेका थिए। घटनाको पुष्टि गर्दै स्थानीय सञ्चारमाध्यमले यो पुनः नियोजित आक्रमण हुनसक्ने बताए।
हाल शमीमको माल्दिभ्सको एडीके अस्पतालमा उपचार भइरहेको छ । शहरको भीडभाड भएको सडकमा उनीमाथि आक्रमण भएको प्रहरीले जनाएको छ । माल्दिभ्सको विपक्षी डेमोक्र्याट पार्टी (मोहम्मद नसिदको विपक्षी पार्टी) ले यो घटनाप्रति आक्रोश व्यक्त गरेको छ। पार्टीले विज्ञप्ति जारी गर्दै उच्च संवैधानिक पदमा नियुक्त अधिकृतमाथि यस्तो हमला हुनु सम्पूर्ण व्यवस्थामाथि प्रहार भएको जनाएको छ । त्यो पनि त्यतिबेला जब त्यो व्यक्तिले राजनीतिलाई बेवास्ता गरेर फौजदारी न्याय प्रणालीमा महत्वपूर्ण भूमिका निर्वाह गरिरहेको हुन्छ । यी खतरनाक संकेतहरू हुन्। माल्दिभ्स प्रहरीले यस विषयमा अनुसन्धान गरिरहेको छ । समाचार एजेन्सी एएफपीका अनुसार शमीम आफ्नो कार्यालय जाँदै गर्दा यो हमला भएको हो । आक्रमणकारीले पहिला उनलाई हथौडाले प्रहार गरी देब्रे हातमा चोट पुर्‍याएका थिए । हाल अस्पतालमा उनको अवस्था स्थिर रहेको बताइएको छ ।
मोहम्मद मुइज्जु राष्ट्रपति बनेपछि माल्दिभ्समा तनावको अवस्था सिर्जना भएको थियो । हालै माल्दिभ्सको संसदमा सरकार र विपक्षी सांसदबीच झडप भएको थियो । वास्तवमा विपक्षी अहिले मुइज्जुविरुद्ध महाभियोग लगाउने तयारीमा छन् । यसबाट माल्दिभ्स सरकार चिन्तित छ । विपक्षी दलले मुइज्जुलाई प्रधानमन्त्री नरेन्द्र मोदी र भारतका सम्बन्धमा दिएको अभिव्यक्तिका लागि माफी माग्न आग्रह गरेको छ ।