डम्पर र बस एकआपसमा ठोक्किएर दुर्घटना हुँदा १२ को मृत्यु
रफत न्युज १२ पुष २०८० १३:४२
काठमाडौं । भारतको मध्य प्रदेशस्थित गुनामा सडक दुर्घटना हुँदा १२ जनाको मृत्यु भएको छ ।
बुधबार राति करिब ९ बजे डम्पर र बस एकआपसमा ठोक्किएर बसमा आगलागी हुँदा उनीहरुको मृत्यु भएको भारतीय सञ्चार माध्यमहरुले जनाएका छन् ।
जलेर घाइते भएका यात्रुहरुको अस्पताल लैजाँदै गर्दा र उपचारको क्रममा मृत्यु भएको हो । घाइतेमध्ये १५ जनाको अवस्था गम्भीर रहेको जनाइएको छ ।
बसमा करिब ४० यात्रु सवार रहेको बताइएको छ । दुर्घटनामा परेकाहरुको प्रहरी र स्थानीयको सहयोगमा उद्धार गरिएको थियो ।एजेन्सी
प्रतिक्रिया
