अर्शदिपको सानदार बलिङमा पन्जाबको जित
काठमाडौं । भारतमा जारी ईन्डियन प्रिमियर लिग(आईपीएल) मुम्बई ईन्डियन्सलाई पन्जाब किंग्सले पराजित गरेको छ।
वांगखडे क्रिकेट स्टेडियममा पन्जाबले मुम्बईलाई १३ रनले पराजित गरेको छ ।
पन्जाबले दिएको २ सय १५ रनको लक्ष्य पछ्याएको मुम्बईले निर्धारित २० ओभरमा ६ विकेट गुमाएर २ सय १ रन मात्र बनायो ।
मुम्बईका लागि सुर्यकुमार यादव र क्यामरुन ग्रीनले अर्धशतकीय ईनिङ खेले ।
ग्रीनले ४३ बलमा ६ चौका र ३ छक्काको सहयोगमा सर्वाधिक ६७ रन बनाए । सुर्यकुमारले २६ बलमा ७ चौका र ३ छक्काको सहयोगमा ५७ रन बनाए ।
मुम्बईलाई जितको लागि अन्तिम ओभरमा १६ रन चाहिँएको थियो । तीव्र गतिका बलर अर्शदीप सिंहले अन्तिम छ बलमा दुई रन खर्चेर दुई विकेट लिएपछि पन्जाब विजयी भएको हो ।
ओपनर तथा कप्तान रोहित शर्माले २७ बलमा ४ चौका र ३ छक्काको सहयोगमा ४४ रन बनाए । टिम डेबिडले १३ बलमा २ छक्काको सहयोगमा अविजित २५ रन बनाए ।
पन्जाबका लागि अर्शदिप सिंहले ४ तथा लियम लिविंस्टोन,नाथन एलिसले १-१ विकेट लिए ।
त्यसअघि टस हारेर पहिले ब्याटिङ गरेको पन्जाबले निर्धारित २० ओभरमा ८ विकेट गुमाएर २ सय १४ रन बनाएको थियो ।
पन्जाबका लागि कप्तान साम करनले २९ बलमा ५ चौका र ४ छक्काको सहयोगमा सर्वाधिक ५५ रनको अर्धशतकीय ईनिङ खेलेका थिए ।
हरप्रित सिंहले २८ बलमा ४ चौका र २ छक्काको सहयोगमा ४१ रन बनाए । पन्जाबले पछिल्लो ५ ओभरमा ४ विकेट गुमाएर ९६ रन बनाएको थियो ।
पाँचौ विकेटका लागि कप्तान करन र सिंहले ४८ बलमा ९२ रनको सानदार साझेदारी गरे । जितेश शर्मा ७ बलमा ४ छक्काको सहयोगमा २५ रन बनाए ।
अथर्व ताईडेले १७ बलमा ३ चौका र १ छक्काको सहयोगमा २९ रन बनाए । प्रभशिमरन सिंहले १७ बलमा २६ रन बनाउँदा म्याथ्यु शर्टले १० बलमा ११ रन बनाए ।
मुम्बईका लागि पियुष चावला क्यामरुन ग्रीनले समान २-२ र जेसन बेहरानड्राफ्ट,जोफ्रा आर्चर र अर्जुन तेन्दुल्करले समान १-१ विकेट लिए ।
सात खेलमा चार जित र तीन हार व्यहोरेको पन्जाब १० टोली सहभागी प्रतियोगिताको पाँचौ स्थानमा उक्लिएको छ।
छैटौं खेलमा तेस्रो हार व्यहोरेको मुम्बई अंक तालिकाको सातौं स्थानमा कायमै रहेको छ ।एजेन्सी
प्रकाशित मितिः २०८० बैशाख १० आइतबार
