सिफलमा दुर्गा फोर्सको प्रदर्शन देखिएन, प्रहरीको उपस्थिति पर्याप्त
रफत न्युज ९ मंसिर २०८० १३:१२
काठमाडौं । दुर्गा प्रसाईँको नागरिक बचाऊ आन्दोलनमा आज न्यून संख्यामा प्रदर्शनकारी देखिएका छन् । तीनकुनेमा शुक्रवार प्रदर्शन गर्ने तयारी भइरहेका बेला प्रहरीले रोकेको थियो । आज काठमाडौंको सिफलमा प्रदर्शनको तयारी प्रसाईँ समूहले गरेको थियो ।
सिफल चौरमा बिहान साढे ११ बजेका लागि कार्यक्रम राखिएको सह प्रवक्ता राजानन्द माण्डव्यले बताएका थिए । तर अहिले त्यहाँ आन्दोलनकारीको नामोनिसान छैन । छन् त केवल नेपाल प्रहरी तैनाथ । प्रहरी ठूलो संख्यामा सिफल क्षेत्रमा परिचालन गरिएको छ । त्यहाँ वरिपरिका घरका छतमा समेत सुरक्षाकर्मी तैनाथ छन् । प्रसाई भने अहिले आफ्नाे निवासमा नै छन् ।
प्रतिक्रिया
