काठमाडौं । क्रिकेटकाे विकासका लागि काठमाडौं महानगर र बाग्मती प्रदेश क्रिकेट सङ्घले सहकार्य गर्ने भएका छन् । आज शुक्रवार महानगरका तर्फबाट मेयर बालेन्द्र शाह र बाग्मती क्रिकेट सङ्घकाे तर्फबाट अध्यक्ष पारस खड्काले सहकार्यका लागि सहमति गरेका हुन् ।

सहकार्यअन्तर्गत काठमाण्डौका विद्यालयस्तरका ५० नयाँ क्रिकेट प्रशिक्षकलाई तालिम दिई त्यसपछि सहरभरका इच्छुक खेलाडीहरूलाई क्रिकेटको ज्ञान र सीपहरू फैलाउन सहयोग हुने विश्वास लिइएकाे छ ।

बालेनले आज सामाजिक सञ्जालमा लेखेका छन्:- ” पारस खडका , ज्ञानेन्द्र मल्ल , पृथु बास्कोटा पछि काठमाडौँबाट राष्ट्रिय टोलीबाट प्रतिनिधित्व गर्ने अर्को खेलाडी नै निस्किएन । कारण काठमाडौँमा खेल्ने वातावरण नै नभएर हो । स्थानीय सरकारको दायित्व भनेकै स्थानीय जनतालाई खेल्ने वातावरण तयार पार्ने नै हो । त्यसको अनुरूप हामीले बागमती प्रदेश क्रिकेट सङ्घको प्राविधिक सहयोगमा केही स्कुलहरू तथा वडाहरूमा क्रिकेट नेट राख्ने व्यवस्था गर्दै छौ ।