न्युजिल्यान्डमाथी पाकिस्तानको सानदार जित
काठमाडौं । घरेलु टोली पाकिस्तानले न्युजिल्यान्डलाई पहिलो टी-ट्वान्टीमा पराजित गरेको छ ।
पाँच खेलको टी-ट्वान्टी अन्तराष्ट्रिय सिरिजका लागि पाकिस्तान भ्रमणमा रहेको पाहुना टोलीले पहिलो खेलमा ८८ रनको फराकिलो हार व्यहोरेको हो ।
पाकिस्तानको लाहोरमा शुक्रबार राती भएको पहिलो खेलमा जित हात पारेसँगै घरेलु टोलीले पाँच खेलको सिरिजमा १-० को अग्रता बनाएको छ ।
घरेलु टोलीले दिएको १ सय ८३ रनको लक्ष्य पछ्याएको पाहुना टोलीले १५ दशमलब ३ ओभरमा अलआउट हुदै ९४ रन मात्र बनायो ।
पाहुना टोलीका लागि मार्क च्यापम्यानले २७ बलमा सर्वाधिक ३४ रन बनाए । कप्तान टम लाथमले २० तथा जेम्स निशमले १५ रन बनाए ।
ड्यारिन मिचेलले ११ रन बनाउँदा भ्रमणकारी टोलीका अन्य ब्याटरले दोहोरो अंकमा रन बनाउन सकेनन् ।
घरेलु टोलीका लागि हरिस रउफले ३ दशमलम ३ ओभरमा १८ रन खर्चिएर ४ विकेट लिए ।
इमाद वासिमले २ तथा सादब खान,जमान खान,शाहिन शाह अफ्रिदी र फहिम अशरफले समान १-१ विकेट लिए ।
त्यसअघि टस जितेर ब्याटिङ गरेको घरेलु टोलीले १९ दशमलब ५ ओभरमा अलआउट हुदै १ सय ८२ रन बनाएको थियो ।
घरेलु टोलीका लागि सइम अबुइ र फकर जमानले समान ४७-४७ रन बनाउँदा फहिम अशरफले २२ रन बनाए ।
इमाद वासिम १६ रनमा आउट हुँदा हरिस रउफ ५ बलमा ११ रन सहित अविजित रहे ।
पाहुना टोलका लागि म्याट हेनरीले ३ तथा बेन लिस्टर र एडम मिल्नेले समान २-२ विकेट लिए ।
दुई राष्ट्रबीचको दोस्रो टीट्वान्टी अन्तराष्ट्रिय खेल शनिबार हुनेछ ।
