सिटीको शानदार सुरुआत हालाण्डले दुई र रोड्रीले एक गोल गरे
रफत न्युज २७ साउन २०८० १२:०९
काठमाडौं । प्रिमियर लिग फुटबलको नयाँ सिजनमा म्यानचेस्टर सिटीले शानदार सुरुआत गरेको छ ।
शुक्रबार भएको खेलमा सिटीले बर्नलीलाई ३–० गोल अन्तरले हराएको हो ।
सिटीको जितमा इर्लिङ हालाण्डले दुई र रोड्रीले एक गोल गरे ।
सुरुआती अग्रता सिटीले चौथो मिनेटमा हालाण्डको गोलमा लिएको थियो । हालाण्डले ३६ औं मिनेटमा सिटीको अग्रता दोब्बर बनाए । खेल सकिन पाँच मिनेट अघि रोड्रीले सिटीका लागि तेस्रो गोल थपेका थिए ।
प्रिमियर लिगको साविक विजेता सिटीले शानदार जित सहित सिजनको सूरुआत गरेको छ । एजेन्सी
प्रतिक्रिया
