चेल्सीमा फ्रान्सेली डिफेन्डर
काठमाडौं । चेल्सीले फ्रान्सेली डिफेन्डर एक्सल डिसासीलाई अनुबन्धन गरेको छ । लण्डन क्लबले फ्रान्सेली क्लब मोनाकोबाट ४५ मिलियन युरोमा ६ वर्षका लागि डिसासीलाई अनुबन्धन गरेको हो ।
वेस्ले फोफानालाई गम्भिर चोट लागेपछि २५ वर्षका डिसासीलाई चेल्सीले अनुबन्धनका लागि प्रक्रिया अघि बढाएको थियो ।
डिसासीले गत सिजन लिग वान क्लब मोनाकोबाट सबै ३८ म्याच खेलेका छन् ।
‘म एउटा महान परिवारको सदस्य बन्न पाउँदा ज्यादै खुसी छु ।’ डिसासीले भनेका छन् ।
‘म यहाँ धेरै ठुला चिज हासिल गर्न आएको हुँ । धेरै उपाधि जित्न । ती सबै उपलब्धि हासिल गर्न म सबै चिज गर्नेछु । म धेरै महत्वकाक्षी समेत छु ।’ उनले भनेका छन् ।
चेल्सीले फ्रान्सेली गोलकिपर रोबर्ट सान्चेजलाई भर्खरै अनुबन्धन गरेको छ । स्पेनिस सहकर्मी मोइजेस कौसेडोलाई धेरै प्रस्ताव लैजादा समेत असफल बनेपछि चेल्सीले स्पेनकै गोलकिपर सान्चेजलाई अनुबन्धन गरेको हो ।
डिसासीले फ्रान्सका लागि चार म्याच खेलेका छन् । सन् २०२२ को विश्वकपको फाइनलमा बैकल्पिक खेलाडीको रुपमा उनी मैदान छिरेका थिए ।
उनी सन् २०२० मा मोनाको गएपछि १ सय २९ खेलमा सहभागीता जनाएका थिए । एजेन्सी
