काठमाडौं । अमेरिकाको दक्षिणी क्यालिफोर्नियामा ४ सय ८६ वटा खुट्टा भएको अन्धो जीव फेला परेको छ । यो पेन्सिल सिसाकलम जत्तिकै पातलो र पेपरक्लिप जत्तिकै लामो हुन्छ। यो जेलीफिस जस्तै पारदर्शी छ र यो चार इन्च जमिन मुनि मात्र बस्छ। यो अन्धो जीव एक स्टारबक्स क्याफे नजिकै फेला परेको थियो । यो जीवले आफ्नो गतिविधिका लागि यसको सिंगजस्तो एन्टेना प्रयोग गर्दछ।

जब वैज्ञानिकहरूले माइक्रोस्कोपमार्फत हेरे, यो अद्वितीय जीवको आश्चर्यजनक भौतिक गुणहरू नजिक आए। भर्जिनिया पोलिटेक्निक इन्स्टिच्युटका जीवविज्ञानी पल मारेकले हलिउड चलचित्रको दानव जस्तो देखिने उक्त जीव रहेको बताए। यो क्षेत्रमा उक्त जीवलाई “सोकल” नाम राखिएको छ।
“यो मिलिपीडहरू हाम्रो खुट्टामुनि, जमिनको चिराहरूमा, चट्टानहरू मुनि वा लस एन्जलसमा माटोको थुप्रोमा घस्रिरहेको देख्दा अचम्मको कुरा हो” मारेकले भने। भर्जिनिया पोलिटेक्निकबाहेक, वेस्ट भर्जिनिया र क्यालिफोर्निया विश्वविद्यालयका वैज्ञानिकहरू पनि यस खोजमा संलग्न थिए। उनको शोधपत्र जुकीज जर्नलमा प्रकाशित भएको छ । (एजेन्सी)