इन्टरले बेन्फिकालाई हरायो
रफत न्युज २९ चैत २०७९ ८:३७
काठमाडौं । इटालियन क्लब इन्टर मिलानले च्याम्पियन्स लिग फुटबलको क्वाटरफाइनल अन्तर्गत पहिलो लेगमा जित निकालेको छ ।
इन्टरले मंगलबार राति पोर्चुगिज क्लब बेन्फिकालाई २-० गोल अन्तरले हराएको हो ।
इन्टरको जितमा निकोलो बरेला र रोमेलु लुकाकुले एक एक गोल गरे ।
खेलको ५१ औं मिनेटमा बरेलाले गोल गर्दै इन्टरलाई सुरुआती अग्रता दिलाएका थिए ।
त्यसपछि खेलको ८२ औं मिनेटमा लुकाकुले पेनाल्टी मार्फत गोल गर्दै इन्टरलाई २-० को जित दिलाए ।
जितसँगै इन्टरले सेमिफाइनल पुग्ने सम्भावना बलियो बनाएको छ ।
दुई टोलीबीचको दोस्रो लेग अप्रिल २० मा हुनेछ । एजेन्सी
प्रतिक्रिया
