नेप्सेमा दोहोरो अंकको वृद्धि
रफत न्युज २८ चैत २०७९ १५:५७
काठमाडौं । सेयर बजार मंगलबार दोहोरो अंकले बढेको छ । २७.३१ अंकले बढेर बजार १८७१.३३ विन्दुमा उक्लियो । यो १.४८ प्रतिशतको वृद्धि हो । तर, मंगलबार कारोबार रकम भने १ अर्ब पनि नाघेन ।
कुल २६२ धितोपत्रको ३५ हजार २३७ वटा कारोबारबाट ३३ लाख १५ हजार ७२० कित्ता सेयर किनबेच भएको छ । कारोबार रकम ९४ करोड ५२ लाख ४९ हजार १७९ रुपैयाँको भयो । मंगलबार सबै उपसूचकमा हरियाली देखियो । सबैभन्दा बढी उत्पादन र प्रशोधनमा वृद्धि देखियो ।
सोमबारदेखि कारोबारमा आएको सानिमा मिडल तमोर हाइड्रोको मूल्य मंगलबार सबैभन्दा धेरै ३.५४ प्रतिशतले घटेर ३१३ रुपैयाँमा आयो ।
प्रतिक्रिया
